Fórum í leiðangur í gær með frekar tæpa veðurspá í farteskinu.  Öllu heldur var það veðurstofan sem feilaði um nokkra kílómetra með birtuna að gera.  Tekið af í ágætis veðri á Sólheimajökli og farið í 5 metra skyggni og mikilli hríð að Mælifellssandi.  Þar tók við töluvert af krapa og þurfti að fleyta oft á tíðum án þess að sjá bakkann hinu megin.  Nestað var í skálanum í Strút og beðið betra skyggnis sem kom eftir um klukkutíma.  Tekið var vel á því í blautum og djúpum snjó í svona tvo tíma áður en haldið var heim á leið.  Ekki var tekin nema þessi eina mynd hér að ofan þar sem bleyta og skyggni leyfðu vart myndatökur.  Eftir GPS rúnt til baka komum við niður á Sólheimajökul í heiðskíru og sól sem átti skv spá að vera mun norð vestar.  Góður dagur eigi að síður og fínt að taka netta GPS æfingu í engu skyggni :)  Snjóalög þarna eru fín, eina sem vantar er bara veðrið.

Giljagaur kveður

Suðurlandsdeild Sérsveitarinnar fór í gær í smá túr.  Tekið af við Dómadalsafleggjara upp Rauðuskál í Dalakofa og Landmannahellir. Rosa flottur snjór.  Myndir komnar í albúm.